NGANJANG KA ALAM SILUMAN
Gilang
pangajen nu ku sim kuring dipihormat, ibu/bapak sareng saderek sadayana anu
sami hadir di ieu tempat, nepangkeun simkuring wasta …………..utusan ti SD
Datarkubang, Dina waktos ieu seja medar dongeng anu judulna “Nganjang ka Alam Siluman”.
Nyukcruk
galur nu kapungkur mapay-mapay carita nu baheula mangga ieu dongeng urang
kawitan.
Diwewengkon
Naringgul jigana tiap jalma oge geus pada apal yen dibeulah wetan Naringgul teh
aya cadas nu nangtawing luhur pisan ,lamun ditinggali tikajauhan mah matak
endah pisan sabab di sagigireun cadas teh aya hiji curug nu caina ngagulidag
badag pisan. Ceuk nurutkeun carita dieta cadas teh aya siluman, cenah nu matak
arang langka aya jalma anu wani ngulampreng ka sabudeureun eta cadas, tapi da kitu
oge karek ceuk beja.
Kacaritakeun
di hiji imah aya dua jalma ker uplek bae ngobrol salaki jeung pamajikan. Ari katelahna dieta lembur mah
ngarana the Bah Arnasan jeung Ambu Jumi
Ambu : “Abah
lain urang teh sakitu geus lilana rumah tangga tapi angger susah jeung susah na
iraha atuh ari batur arek cara urang nya?”
Abah : “
Heueuh ari geus kudu kumaha atuh ambu?”
(ceuk
si abah bari melong ka si Ambu)
Ambu : “
Lain ari abah pernah ngadenge teu cenah di cadas bodas teh aya siluman sugan we
atuh ku urang bisa dipentaan tulung?”
Abah :” Nya
puguh we atuh apal mah , na maksud ambu arek kumaha kitu?”
Ambu :”
Kumaha lamun ambu arek nyobaan kaditu nepungan sugan we atuh mere milik kaurang
da cenah ceuk beja ari ku awewe mah sok babari “
Abah :” Nya
ari kahayang ambu kitumah jung we cobaan
kaditu”.
Kacaritakeun isukna Siambu kencling
indit arek nepungan siluman nu aya di cadas bodas eta, teu poho menta dianteur
ka juru kuncen anu katelahna mah moal dibejakeun ngarana, bisi ke ditarurutan .
Cunduk ka
nu dituju, Ambu Jumi jeung juru kunci geus tepi ka sisi cadas. Dina cadas
narangkod lulukutan. Lebah anu nangtawing aya anu nyègog. Éta tèh lawang guha
anu cenah hiji lawang lamun hayang asup ka nagri siluman.
Samemeh
ambu Jumi asup ka jero guha, juru kunci mapatkeun heula jampe sangkan ambu Jumi
bisa asup ka alam siluman .
“Om
…wilahom hom..hom..hom.. hom pimpa
alaihim gambreng..!
Punten mangga, ari ga gatot gaca, ari ca cau
ambon, ari bon
bonteng asak, ari sak sakit perut, ari rut rujak
asem, ari sem
sempal sempil, ari pil pilm rame, ari me meja
makan, ari kan
kantong kosong, ari song song song lampu, ari pu
puak paok, ari wok wok
berewok,
buah……buah….
(ceuk juru
kunci bari bubura ka kenca jeung ka katuhu.)
Bus Ambu
Jumi asup, karek oge tilu lengkah ngadak-ngadak bray caang, ambu ngagebeg sabab
tetela manehna teh geus aya di nagri siluman.
Dasar milik, geuning
teu hese nepungan Raja siluman teh ceuk gerentes hate Ambu Jimi. Kacaritakeun
si ambu geus patepung jeung raja siluman da teu hese puguh oge dianteurkeun
kupangawal karajaan siluman
“Hey jalma aya naon anjeun nepungan kaula?” Ceuk raja siluman
Ambu : “Puguh
kuring teh seja nyungken tulung gusti
(ceuk si ambu bari cedok nyembah)
Raja : “Na
hayang naon kitu anjeun teh?”
Ambu : “ Nya
hayang jiga batur we sagala kahayang
kacumponan”
Raja :” O……o…oooooooo…………………! Gampang atuh ,
tapi ke heula ari anjeun teh urang sunda nya?
Ambu :” Muhun naha geuning uninga?’
Raja :” Nya puguh we da kaciri atuh ari urang sunda mah”
Ambu :” Muhun “
Muhun ari mojang sunda mah da sanajan aya di nagri
siluman oge tetepwe gareulis “ Ceuk gerentes
hate si Ambu PD pisan (PD=percaya diri)
Raja :” Ha…ha…ha lain siah lain geulis tapi kaciri nyaritana
bau jengkol, Pangawal anteurkeun kaditu kalawang sina balik, ke lila teuing
didieu mah bangsa urang mabok jengkol”.
Gerewek siAmbu ditewakku pangawal lung
dialungkeun kalawang guha.
Tulung………………………!
Tulung …………………. Ceuk siambu gogorowokan
,
Korejat
siambu lilir keukeureuceuman, sihoreng teh pamiarsa si ambu ngimpi nganjang ka
alam siluman.
Cag ….ah ieu
dongeng urang teundeun dihandeuleum sieum geusan sampeureun deui,
permios…………………………….. Assalamu alaikum wrb.
